Açtı gönül gülşenimiz fasl-ı bahar oldu yine
Doldu safâ meskenimiz leyl ü nehâr oldu yine

Sâki-i sahbâ demini cür'a-i lâl-i femini
Sunmağa cam-ı cem'ini bezme nisâr oldu yine

Bülbül handândır güle nâle kılıp geldi dile
Can ile hep bir dem ile zâr-ı hezâr oldu yine

Sâki sunup cam-ı safâ sûfîlere geldi safâ
Dem bir edip ehl-i vefâ derd ile zâr oldu yine

Can bu deme hem-dem ola can mı o ânda gam ola
Hulûsî'ye mahrem ola bî-âr u var oldu yine

Güfte : Es-Seyyid Osman Hulûsî Efendi
Beste : Mehmet Kemiksiz
Makam : Hüseyni / Başlangç - Muhabbet - İllallah
Usûl : Ağır Evsat
Okuyan : Mehmet Kemiksiz